ఆర్సీబీ, కేకేఆర్ మ్యాచ్ వర్షంతో రద్దు... టికెట్ల డబ్బు వాపసు

ఇండియన్ ప్రీమియర్ లీగ్ (ఐపీఎల్) అభిమానులకు రాయల్ ఛాలెంజర్స్ బెంగళూరు (ఆర్‌సీబీ) యాజమాన్యం ఒక ముఖ్యమైన ప్రకటన చేసింది. కోల్‌కతా నైట్ రైడర్స్ (కేకేఆర్) జట్టుతో మే 17న వర్షం కారణంగా రద్దయిన మ్యాచ్‌కు సంబంధించిన టికెట్ డబ్బులను పూర్తిగా వాపసు ఇవ్వనున్నట్లు ఆదివారం వెల్లడించింది. ప్రతికూల వాతావరణం వల్ల మ్యాచ్ సాధ్యపడకపోవడంతో, టికెట్లు కొనుగోలు చేసిన అర్హులైన వారందరికీ ఈ ప్రయోజనం వర్తిస్తుందని ఆర్‌సీబీ స్పష్టం చేసింది.

వాపసు ప్రక్రియ ఇలా...

డిజిటల్ విధానంలో, అంటే ఆన్‌లైన్‌లో టికెట్లు కొనుగోలు చేసిన వారికి, వారు టికెట్ బుక్ చేయడానికి ఉపయోగించిన అసలు బ్యాంక్ ఖాతాలోకి 10 పనిదినాల్లో డబ్బులు జమ అవుతాయని ఆర్‌సీబీ తమ ప్రకటనలో పేర్కొంది. ఒకవేళ మే 31వ తేదీలోగా వాపసు అందని పక్షంలో, టికెట్ బుకింగ్ వివరాలతో refund@ticketgenie.in ఈమెయిల్ చిరునామాకు ఫిర్యాదు పంపాలని సూచించింది.

ఇక ఫిజికల్ టికెట్లు, అంటే కౌంటర్ల ద్వారా కొనుగోలు చేసినవారు, తాము టికెట్లు ఎక్కడైతే కొన్నారో అక్కడి అధికారిక కేంద్రంలో తమ అసలు టికెట్‌ను సమర్పించి డబ్బులు వాపసు పొందవచ్చని తెలిపింది. అయితే, కాంప్లిమెంటరీగా, అంటే ఉచితంగా పొందిన టికెట్లకు ఈ వాపసు వర్తించదని యాజమాన్యం స్పష్టం చేసింది. వాపసు ప్రక్రియకు సంబంధించి మరిన్ని వివరాలు కావాల్సిన వారు rcbtickets@ticketgenie.in కు ఈమెయిల్ ద్వారా సంప్రదించవచ్చు.